मूल तालुक्यातील बेलघाटा येथील घटना
मूल (प्रतिनिधी) :- गुरे चराई करण्यासाठी जंगलात घेऊन गेलेल्या एका गुरख्यावर वाघाने हल्ला करून ठार केल्याची घटना मूल तालुक्यातील कन्हाळगाव येथील कक्ष क्र. 1765 येथे घडली. पितांबर गुलाब सोयाम वय 37 वर्ष रा. बेलघाटा असे वाघाच्या हल्ल्यात ठार झालेल्या गुराख्याचे नाव आहे. Pitambar soyam
मुल तालुक्यातील मोजा बेलघाटा येथील पितांबर गुलाब सोयाम वय 37 वर्ष रा बेलघाटा हे शनिवारी दुपारच्या सुमारास गुरे चराईसाठी जंगलात घेऊन गेले होते सायंकाळ होऊनही ते घरी परत आले नाही, यामुळे कुटुंबीयांनी गावात आणि परिसरात शोधाशोध केली मात्र कुठेही आढळून नाही दरम्यान कुटुंबीयांनी वन विभागाला माहिती दिली, दरम्यान रविवारी गावकरी आणि वन विभागाच्या कर्मचाऱ्यांनी जंगलात जाऊन शोध मोहीम राबवली असता कन्हाळगाव बिटातील कक्ष क्रमांक 1765 येथे वाघाच्या हल्ल्यात पितांबर चा नाहक जीव गेल्याचे निदर्शनास आले. वन विभागाच्या पथकाने सदर घटनेचा पंचनामा करून मृत्तदेह उपजिल्हा रुग्णालय मुल येथे शवविच्छेदनाकरिता पाठविले. घटनास्थळाला सहाय्यक वनसंरक्षक विकास तरसे, सावलीचे वनपरिक्षेत्र अधिकारी विनोद धुर्वे यांनी भेट देऊन कुटुंबीयांना तात्काळ चाळीस हजार रुपयाचे आर्थिक मदत केलेली आहे.
सदर घटनेमुळे बेलगाटा परिसरात भीतीचे वातावरण पसरलेले असून वाघाचा बंदोबस्त करावा अशी मागणी नागरिकांनी केलेली आहे.
नागरिकांनी गुरे चारायला किंवा वन परिसरात जाताना खबरदारी घेण्याचे आवाहन वनविभागाने केले आहे. tiger attack
